med4ever-منتدى طلبة طب عين شمس
يا مراحب يا مراحب


Real meaning of medicine منتدى طلاب كلية طب عين شمس
 
المشاركات الجديدةالرئيسيةجروبنا عالفيس بوكfanالتسجيلonline membersدخول
med4ever بيرحب بكل الاعضاء الجدد
لو عاوز تشترك فى مسابقتنا للبلايستيشن اللى بتوصل جوايزها ل3000 جنيه سجل مشاركتك فى موضوع مسابقة البلايستيشن فى اخبار med4ever
لو عاوز تنزل ثيم med4ever ادخل على موضوع med4ever mobile theme
لو عاوز تنزل med4ever توبار ادخل على med4ever toolbar
وول بيبر ميد فور ايفر فى موضوع med4everwallpaper لو عاوز تنزلها

شاطر | 
 

 مجلة شبابنا .. اخيرا هتعرف تعبر عن رايك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
vitsh
مشرف عام
مشرف عام


عدد المساهمات : 123
تاريخ التسجيل : 01/07/2010
العمر : 25

مُساهمةموضوع: مجلة شبابنا .. اخيرا هتعرف تعبر عن رايك    الثلاثاء يوليو 13, 2010 2:17 pm


[ندعوك للتسجيل في المنتدى أو التعريف بنفسك لمعاينة هذه الصورة]


بصوا يا جماعة الاول هاحيلكم الحكاية

احنا زهقنا من كتر ما احنا عمالين نقول كلام ومفيش حد بيسمعنا
زهقنا من حالنا دا اللي مش عارفين نغيره .. زهقنا من ان مبقاش في حد يسمع مشاكلنا وارائنا
بقينا زي اللي بيغنوا ويردوا علي نفيسهم .. بنعد نندب ع المنتدي طول اليوم وولا حد بيعبرنا

لحد ما قلنا كدا كفاية
لازم حد يعرف مشاكلنا وارائنا .. لازم حد يسمع صوتنا بقي

فكرنا نعمل حاجة جديدة نوصل فيها فكرنا
لحد ما لقينا الحل

احنا هنكتب مقالات وننزلها في النت ولعل وعسي حد يقراها
الناس كانت بتقراها بس محدش بيعلق .. مقال والسلام
يا يقولك مشكور يا يقولك انتو اللي خربتو البلد

فكرنا نبعت مقالاتنا دي لمجلات وجرايد عشان تكتبها
بس طبعا مقلكوش .. مين مجلة هترضي بشباب ملوش اسم في عالم الكتابة

قلنا خلاص احنا هنعمل مجلة لينا احنا .. طب ازاي
ونجيب مكان وفلوس واداره وناس منين .. كانت مجرد فكرة
فكرنا نعملها مجلة الكترونية .. بس هنجيب سيرفر منين
هنلاقي ناس تقرالنا ازاي .. عايزين كتاب كبار .. طب هنجبهم ازاي

فكرة بس فكرة مجنونة .. كانت شبه مستحيلة اساساً
لحد النهاردة
الفكرة المجنونة دي بقت واقع بجد
جبنا السرفر اللي هنرفع عليه المجلة .. اتفقنا مع عدد من الكتاب الكبار انهم يكتبوا معانا
زي محمود سعد و عمر طاهر و علاء الاسواني ,, ولسه غيرهم كتير

والحلم بقي حقيقة .. كان فاضل حاجة واحدة بس ان احنا نختار اسم للمجلة
وطبعا ملقناش احسن من اسم شبابنا لانه بيعبر عننا

طبعا مش مصدقين اي حاجة

اقدر اقولكم ان افتتاح المجلة هيكون يوم السبت الجاي ان شاء الله 5/ 6 /2010

وادي يا جماعة دا العدد الاول اهو



هاه .. كدا صدقتوني شوية .. صح ؟

طب احنا مين ؟
احنا مجموعة شباب زينا زيكم عايزين نعبر عن ارائنا .. عايزين نلاقي حد يسمعنا
شباب نفسها تعمل حاجة جديدة .. واخدنا حماس وعنفوان الشباب

طب المجلة دي عبارة عن ايه؟
قلتلي بقي يا سيدي
شوف كدا




طب حلو الكلام دا .. احنا مطلوب مننا ايه ؟ ( انتو يعني )
بص بقي

احنا عايزين ناس معانا .. احنا عايزين حد بقي يساعدنا عشان المجلة تقوم علي رجلها

طب ازاي ؟

بصوا اي حد ميقليش انا مبعرفش اكتب .. مش هاجي معاكم
هي المجلة مش للكتابة بس .. اي حد معانا هنوظفه في مكان يبدع فيه علي حسب امكانياته
حتي لو حطناه رئيس تحرير

محدش يقولي احنا ورانا مذاكرة وامتحانات .. متخفوش مش هنحتاج منكم حاجة الا بعد الامتحانات

طب هنيجي نعمل ايه :

1/ عايزين ناس تعرف تكتب مقالات سواء ادبية او سياسية او رياضية ....الخ ودول مفيش اكتر منهم هنا
2/ عايزين ناس مواهب بتألف شعروبتكتب نثر والحاجات الحلوة دي
3/ عايزين ناس حتي لو مش بتكتب .. تجمع اخر الاخبار الجديدة وتنزلها..سواء اخبار رياضية او دينية او سياية او في الفن ....الخ
4/ محتاجين ناس تدير معانا الموقع وتنفذ معانا الخطة
5/ محتاجين ناس بتفهم في الكمبيوتر او بتعرف تصمم اغلفة واعلانات

شوف انت مين في اللي فوق دول وقلنا

اولا : احنا عايزين شباب بجد .. شباب عايز يغير حاجة .. شباب يقول انا عملت كذا لبلدي .. شباب يبقي في حاجة في تاريخه غير البلاي ستيشن والاغاني والخروج وكل دا .. هنعمل كل دا بس يبقي في حاجة في حياتنا نحكي عنها لولادنا

ثانيا : المطلوبين شباب وبنات .. مش مقتصرة ع الولاد بس

ثالثا : انت طول ما انت شغال معانا مش خسران حاجة .. انت بس هتبعتلنا المقال او الخبر او ردك هنا في بلاطي سواء في رسالة او في التوبيك هنا

رابعا : جرب الاجازه دي تبقي معانا .. لقيت الحوار بايخ واحنا شباب غلسة خلاص مش مهم امشي وسبنا .. واهو كدا كدا انت بتبقي فاضي في الاجازه


لو معجبكش اي حاجة من الكلام دا متنساش طيب تبقي تخش تتفرج ع المجلة في يوم الافتتاح ان شاء الله السبت القادم ( ايه القادم دي ) السبت الجاي يوم 5 / 6 /2010

اخيرا طبعا لازم كل واحد ياخد حقه
بجد very special thanks to my friend mohamed gamal
فتش هو صاحب الفكرة من الاساس وهو اللي عامل معظم المجهود الجبار دا

للاستفسار اتصل علي 0900
احم احم .. قصدي اتصل بينا


site : [ندعوك للتسجيل في المنتدى أو التعريف بنفسك لمعاينة هذا الرابط]


Email : [ندعوك للتسجيل في المنتدى أو التعريف بنفسك لمعاينة هذا الرابط]

facebook : shababna

blog : [ندعوك للتسجيل في المنتدى أو التعريف بنفسك لمعاينة هذا الرابط]

facebook page :shababna



الرجوع الى أعلى الصفحة اذهب الى الأسفل
http://www.mo7amedgamalempire.blogspot.com
 
مجلة شبابنا .. اخيرا هتعرف تعبر عن رايك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
med4ever-منتدى طلبة طب عين شمس :: المشاريع والمسابقات والعمل الخيرى :: مجلة شبابنا-
انتقل الى: