ليلة القدر

موضوع: ليلة القدر الإثنين يوليو 12, 2010 9:20 am

بسم الله الرحمن الرحيم

ليلة القدر

اعظم ليلة فى العام كله.. العبادة فيها خير من الف شهر
اى ان الطاعة فيها= 30 الف طاعة فى يوم اخر.

فهل من خائب يريد ان يخسر ليلة القدر؟!!

مطلوب

اولا: ان تستشعر أهمية الفوز بهذه الليلة.

ثانيا: أن تفرغ نفسك من كل المشاغل والمشاكل وان تتوجه بجسدك وقلبك وكل جوارحك الى الله طالبا العتق من النيران.

ثالثا: لا تدع للشيطان سبيل فى ان يحرمك لحظة واحدة من هذه الليلة فى غير طاعة.

متى ليلة القدر

التمسها فى احدى الليالى الوتر من العشر الاواخر

وعلشان يا جماعة مشكلة الاقمار وتغير بداية رمضان ف بعض السنين
نشتغل على العشر الاواخر كلهم

فضلها كبير

1- ليلة انزل الله فيها القرأن وفيها تكتب ارزاق السنة للعباد

2- من قام هذه الليلة غفرت له ذنوبه كلها

قال رسول الله صلى الله عليه وسلم: ( من قام ليلة القدر ايمانا واحتسابا غفر له ما تقدم من ذنبه)

3- الملائكة تملا الارض فيها.. وفى ذلك دلائل الرحمات والبركات

ليلة بمئات السنين

من احيى هذه الليلة كل عام فقد رزق أعمار عديدة غير عمره، وهذا ما قاله الرازى:

" واعلم ان من احياها فكأنما عبد المولى عز وجل ثمانين سنة، ومن احياها كل سنة فكأنما رزق اعمارا كثيرة"

افضل الدعاء فيها

كما علمنا النبى صلى الله عليه وسلم

" اللهم انك عفو تحب العفو فاعفو عنا"

العفو يا جماعة ابلغ من المغفرة لان العفو تشمل المغفرة والرضا من الله عز وجل
اللهم اعفو يا ربنا جميعا

وصايا عملية

*نم نهارا حتى لا تنام ليلا فتضيع منك هذه الليلة المباركة

*نوع العبادة حتى لا تمل ... فاقرأ القرأن... وتهجد مصليا... وادعو ربك... ورطب لسانك بالذكر .

لو ضاعت تلك الليلة منك .. فيا ألف حسرة

تعالوا بقى نتأمل سورة القدر كدا مع بعض

قال تعالى:
إِنَّا أَنزَلْنَاهُ فِي لَيْلَةِ الْقَدْرِ وَمَا أَدْرَاكَ مَا لَيْلَةُ الْقَدْرِ لَيْلَةُ الْقَدْرِ خَيْرٌ مِّنْ أَلْفِ شَهْرٍ تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ سَلَامٌ هِيَ حَتَّى مَطْلَعِ الْفَجْرِ

الروح هو سيدنا جبريل عليه السلام
ينزل الروح الامين مرة ف العام من بعد وفاة الرسول صلى الله عليه وسلم
وهذه فى ليلة القدر

جدد عهدك مع الله وقل

الهى

يا من منحتنا هذه الليلة العظيمة لتغفر لنا ...يا ب نقف ببابك هذه الليلة نبكى بين يديك ..

تقشعر جلودنا رهبة وخشية منك واليك...

اللهم لا تمضى هذه الليلة الا وكتبت اسماءنا فى سجل عتقاءك من النار...

يا رب ان كنت لا تتقبل الا من المتقين فمن للعصاة امثالنا يا رب عصيناك كثيرا وجئناك تائبين فتقبلنا يا ربنا
اعاهدك يا رب ألا اغفل هذه الليلة لحظة عنك ..

فأعنى على ذلك واكتب لى جنة عضها السموات والارض.

دلوقتى يا جماعة مدركين حلاوة هذه الليلة يلا عايزين نشد همتنا ف العشر الاواخر
عسى الله ان يتقبلنا

انا جمعت شوية عبادات ممكن نعملها يا ريت يا جماعة اللى يحب يزود تانى يا ريت علشان نجمعهم ع بعض ونعمل افضل الطاعات ف كل يوم من العشر الاواخر

1- صلاة الفروض + 12 ركعة نافلة

افضل الاعمال الى الله الصلاة على اوقاتها

2- صلاة الضحى + التراويح+ قيام الليل ( التهجد)

3- ختم القران

اللى يقدر على خاتمة جديدة يقرأ
اللى بيكمل خاتمة معاها يا ريت نزود قراءة القان ف هذه الايام

4- الدعاء

نزود ف هذه الليالى ونركز على شوية دعوات محتاجينها اوى ف كل وقت الفطار ف التراويح ف التهجد ف الفروض عسى الله ان يتقبلها منا – نصيحة الاستاذ عمرو خالد-

" اللهم انك عفو تحب العفو فاعفو عنا"

5- الاذكار اليومية

* من تسبيح وتهليل وصلاة على النبى واستغفار

قال صلى الله عليه وسلم: " ألا انابأكم بخي الاعمال، وازكاها عند مليككم ، وارفعها لدرجاتكم، وخير لكم من انفاق الذهب والورق، وخي لكم من أن تلقوا عدوكم فتضربوا اعناقهم ويضربوا اعناقكم؟
قالوا بلى يا رسول الله قال: ذكر الله"

*اذكار الصباح والمساء واقرا كدا جنب كل ذكر فضله بجد هتفضل محافظ عليها علطول

*اذكار بعد كل صلاة

6-صدقة كل يوم وان قلت

7- اللسان طول اليوم

واخدين بالنا يا جماعة

* محاسبة النفس وزيادة الاستغفار فى اخر اليوم

وخصوصا احنا نازلين على كلية وتجمع بقى والكلام بيزيد

8- بر الوالدين

وطبعا غلطة منى انى جايباها ف الاخربس بجد

نخلى بالنا اوى اوعوا نفضل شغالين عبادة طول اليوم

وبزعل ابويا وامى افقد كا اللى عملته وربنا يغضب عليا

ناخد بالنا اوى يا جماعة

عايزينا ف اى حاجة نعملها حاضر بدون نقاش

اكتر حاجة ربنا يغضب منها عقوق الوالدين

والدليل ع كدا اقرا القرأن دايما طاعة الوالدين تيجى علطول بعد واعبدوا الله

اوعوا نقع ف منطقة الخطر دى بالذات

9- عمل خير

اى حاجة تحب تعملها ( صلة رحم ولو بالتليفون - قضاء حوائج الناس- مساعدة اى حد ف حاجة- عمل خيرى ف اى حاجة
بس حاجة نتقرب بيها لربنا

دى الحاجات اللى جت ف دماغى ويا ريت نزود عليها وخد ف بالك كل عمل زيادة هتقوله وينفع حد تانى
ربنا يأجرك عليه ثواب باذن الله

" الدال على الخير كفاعله"

يا ريت تقوليلى رايكم ايه اتكلمنا كتير يلا نبدأ الشغل العملى مع بعض

واوصى نفسى واياكم بأهم شىء
الا وهو

النية

علطووول ف جميع اعمالنا
وتجديدها ف اثناء العمل حتى تحافظ ع اخلاصك لله

وربنا يتقبل منا يا رب ويبلغنا ليلة القدر ويجعلنا من عتقاءه من النيران